呢幾年教育界講既最多話題想必是退學潮，睇新聞成日講某某中學流失學生，最新一篇輪到大學資助委員會公佈2020至2021年退學人數創新高。究竟學生們去晒邊? 其一係就因為封關令好多北區跨境內地生無辨法泥香港上堂，局住唯有退學。其二當然同移民同埋海外升學大流行有關。不過去海外讀書係咪真係人人都岩? 今日筆者就好想分享一下到底咩人會適合海外留學。
首先我認為講.出國，無可否認對學生係有用既。不過攪清楚出國的心態都係好重要。筆者以前有一學生，係香港讀書唔如意， 拍拖唔如意， 然後佢就萌起出國的諗頭。作為老師，我真的很希望他振作，不過如果出走係為左逃避面對問題，咁心態上就唔太理想。出國應該有一夥希望見識的心，然後反思自己點樣be a better me。感受異國文化、同不同國藉的人交朋友，最終應該係希望能夠搵到令自己變積極的方法。
出國唔係逃避面對過往的你，而係找尋更好的你。講真外國的天空係大，但不一定只有晴天的。筆者的弟弟係美國留學，曾經同我討論美國隱閉青年問題(即躲在家裡咩都唔做只係打機既青年)，外國吸食大麻的情況也很普遍。所以如果唔係帶著努力學習的心態去讀書，可能外國讀完返到香港，效果同唔去唔會太大分別。事實上並唔係每一個人都適合留學的，我記得以前曾遇過一個學生，她一生願望係畢業然後嫁人，最後這個學生有一個非常美滿婚姻，現在是幾個乖孩子的母親，這樣的人生其實也不錯。因此人生的路唔一定個個點行你就跟住行。如果你想出國，應該諗清楚你為左咩原因而出國。而為了表示你的決心，最起碼你先做下功課，例如搜尋一下網頁，了解一下將會前往的地方和學校，至少有了一些idea，清楚明白再去出國。
第二個我認為出國很重要的因素，就是擁有面對困境的勇氣。不要以為出國只是俾錢、執行李同朋友say goodbye咁簡單。人在外，凡事都要親力親為。筆者的弟弟在美國初期，咩都唔識，簡單到只係買生活用品都充滿挫敗。後來到星加坡搵工，又因為要同當地人競爭而困難重重。當然，時代唔同了，網絡世界令資訊流通快左，亦令你更容易同外地人交朋友。不過面對新環境，挑戰還是有的，尤其你將前往的國家如果唔係以英語為主，咁就需要更多勇氣同時間克服語言問題。筆者講到呢度，並不是要嚇退你不要出國，而係我認為真正能解決困難的人，首先要知道難題係邊然後對症下藥，才能藥到病除，記得辭職到計劃開youtube channel同寫blog個段時間，我成日同人講:「除左教書，我咩都唔識，俾時間我去學習一下。」一開始，當然事情一定做得唔夠好，對比以前入班房統領幾十學生個份自信，坦白說，要很多勇氣克服。但是既然知道了點做，慢慢學習，自然會愈做愈好。
最後亦係關鍵的因素: 錢! 當你去外國留學除了要支付學費及學校雜費，住宿費、生活費、醫療保險費、簽證費.......都唔可以慳，然後因為要去唔只一年，所以費用還要double, triple計。唔同國家學費、生活費的差別可以係天同地，諗清楚自己的荷包有幾厚，貴有貴去，平有平去，最緊要去得有價值。另外講開錢，筆者強烈建議留學期間同之後係當地打工賺生活費，自己賺錢養活自己，呢個係對你人生決定的一種承擔，亦係融入當地生活的最快方法，更加係加強自己實力的大磨練。
喜歡我的文章，歡迎FOLLOW我的BLOG、youtube channel (https://bit.ly/3u11r6U) 或者加入我的IG (miss.econchan)了解一個中學老師一把年紀轉型攪海外升學的心路歷程。謝謝!
0 comments:
張貼留言