淺談海外升學資歷問題（2）: 資歷架構

如果係波蘭讀大學只需3年，係香港讀大學要4年，讀完之後香港學歷高級一點?答案係一樣咁高級？筆者過往解釋過有關海外升學的資歷評審，今次筆者想講...

另一重要課題﹕資歷架構

香港的資歷架構一共有7級，簡單而言資歷架構是說明你的最高學歷水平。例如係招聘廣告看到學歷要求大學畢業，其實就是指你的學歷要達到第5級資歷架構水平。

Source:https://eduplus.hk/

例如你順利讀完一間大學既學士課程，資歷就係第5級；你讀完博士課程，資歷就是最高的7級(博士既程度)。學歷愈高，級別就愈高。

到海外升學有一個有趣的現象，就係唔同國家的大學課程有3年亦有4年，但讀完之後資歷卻是一樣的。

假設筆者今年中學畢業，然後前往波蘭讀大學。由於波蘭的大學只需要讀3年，所以3年後筆者的資歷屬於第5級(大學學士)。但如果選擇係香港讀大學，就要讀4年，要用比波蘭多1年時間才擁有同樣第5級的資歷。

再講多少少，波蘭有些碩士課程需要1年半就讀完，換句話講，如果筆者用香港讀大學的4年時間放係波蘭讀書，用多半年就可以得到第6級資歷(碩士)，非常省時。

雖然讀書讀咩科邊度讀，其實都要講適合同興趣，不過時間就係金錢。早1年畢業就多1年工作經驗，畢業當然愈早愈好啦。大家第時選擇大學課程的時候不妨都留意一下筆者所講既有趣現象。

喜歡我的文章，歡迎FOLLOW我的BLOG、youtube channel (https://bit.ly/3u11r6U) 或者加入我的IG (miss.econchan)了解一個中學老師一把年紀轉型攪海外升學的心路歷程。謝謝!