有冇諗過去外國讀書，畢業之後順便留低工作，體驗一下外國工作文化？
可能大家就會諗：「吓，人都唔識多個，點搵工呀？」其實自從有搵工網的出現，要係外國搵工已唔再好似以前咁難。就以筆者熟悉的歐洲市場為例，你可以前往EURopean Employment Services網站入面既搵工欄 (https://ec.europa.eu/eures/portal/jv-se/home)，揀選你想工作的地方或者你的行業，就可以見到一系列相關的工作，相當方便。
EURopean Employment Services 其實係一個提升歐盟國家之間工作機會的政府部門。
另一個常用的搵工方法就係利用商界流行的社交平台 LinkedIn 。你可以係你的profile寫上你既履歷然後隨意搵工，又或者加入當地的群組結識更多當地人，擴展職場上的人際網絡。
利用 LinkedIn 結識不同國家的專業人士
當然在任何地方求職前，最重要是知道當地的經濟狀態和失業率等重要資訊。每一個歐盟成員國的統計資料(包括GDP、就業人口和失業人口等)，你都可以在Eurostat搵到。如果你能在歐盟任何一個國家工作，咁理所當然你應該選擇一個有較佳前景、較高就業機會的地區工作。
只要在Eurostat連結點選你想知道的地區，你便可以得到相關的數據，例如筆者現在點選的是2020年波蘭首都華沙20-64歲的就業比率，資料清楚又詳盡。
最後在求職過程中，你能否表現出敢於學習和擅長溝通的一面都有決定性的影響。不過如果你已經有留學的經驗，筆者相信在過往求學期間其實你已訓練有數，再善用以上介紹的平台，相信在外國搵工一定無難度。
喜歡我的文章，歡迎FOLLOW我的BLOG、youtube channel (https://bit.ly/3u11r6U) 或者加入我的IG (miss.econchan)了解一個中學老師一把年紀轉型攪海外升學的心路歷程。謝謝!
0 comments:
張貼留言